мин сахабын

No information given.

VIEW ALL

POPULAR DISCUSSIONS

VIEW ALL (1)

RECENT ANNOUNCEMENTS

Ийэ тыла сүппүт норуот кэхтэр, өлөр, аан дойдуттан суох буолар.

18 March - timeagento | 0 Comments

Төрөөбүт төрүт тылбынан киэн туттабын.

Дьылҕа хаан киһиэхэ анаан биэрбит эбит ийэ тыл алыбын. Нууччаҕа – нуучча номоҕун, сахаҕа саха сайаҕас тылын. Ийэ тыл оҕоҕо ийэ үүтүн кытта бэриллэр, күнү көрөөт оҕо ийэ тыл минньигэс утаҕар умсар, кини минньигэс мүөтүн испэхтээн саҥара, толкуйдуу, суруйа, ааҕа үөрэнэр. Оннооҕор, көтөргө – сүүрэргэ, чыычаахха чыычаах чуопчаарар тыла, сүүрүккэ сүүрүк сипсийэр тыла, этиҥҥэ этиҥ эрчимнээх тыла, илгэлээх истиҥ ийэ тыл буолар.

Ийэ тыл – норуот тыына. Ийэ тыла сүппүт норуот кэхтэр, өлөр, аан дойдуттан суох буолар. Онтон бу миэхэ ийэм биэрбит тыла, олоҕум тыла, тапталым тыла, мин төрүт тылым, мин ийэ тылым саргылаах саха тыла буолар. Мин аныгы оҕобун компьютер уонна телефон оонньуулаахпын, элбэҕи көрөн – истэн билэбин, ол эрэн умнубаппын омугум саха буоларын, төрөөбүт тылбынан ыллыыбын, туойабын, үөрэбин. Тыллар бары туспа кэрэлээхтэр, бары туспа уран ойуулаахтар. Сахам сиригэр элбэх араас омук олорор, олор бары тус туспа төрүт тыллаахтар, тыллара туспа бэйэтэ кэрэ киэргэллээх. Итэҕэллэрэ, култууралара, олохторо – дьаһахтара ураты. Ханнык да омук тылынааҕар ордук кэрэ, саргылаах сахам тыла. Ордук таптыыбын мин сахалыы ырыаны, сахалыы уус уран киинэни көрөрбүн.

Саха норуота ийэ тылынан уус-уран айымньылары айар, чабырҕахтыыр, олоҥхолуур, оһуохайдыыр. Тыл саҥарарга баар, төрүттэрбит былыргы олохторун олоҥхоҕо хоһуллубутун биһиэхэ тиэрдэргэ көмөлөһөр.

Билиҥҥи үйэҕэ аныгы ыччаттар «Аҕаа», «Ийээ» да диэбэппит, төрөөбүт төрүт уус тылбыт төһөлөөх баайын билбэппит, сорохтор айыллыбыт тылларын сирэннэр, аанньа ахтыбаттар. Төлкөлөөх сайдыы дьигинэн, төрөөбүт тылтан төрүөттээх. Ийэ тылыгар тирэҕирэн, элбэх омуктуу тылы билиэхтээхпит.

Мин саха буоларбынан, сахалыы төрөөбүт төрүт тылбынан саҥарарбынан киэн туттабын!

39 Comments

view all

< >