Oian, qazaq!

Alaş partiasy — Resei imperiasy men Sosialisttık Reseidıñ qazaq partiasy bolğan. Partia Bırınşı düniejüzılık soğystağy Reseidıñ krizisın qoldanyp, 1917 jyldyñ säuır aiynda qazaq sezınde partia qabyldanyp, sol jyldyñ şıldesınde partia qūryldy. Partianyñ eñ mañyzdy tūlğalary qazaq zialylary bolyp, olar Resei qūramynda ūlttyq müddenı közdeitın demokratialyq qūrylymdy negızge alatyn avtonomia qūru mäselesın alğa tartty. Resei partianyñ jūmysyna tyiym salyp, ol 1920 jylda taraldy.

Alaş partiasy tūñğyş jalpyqazaq sezın şaqyru turaly şeşım 1917 jylğy säuır aiynda ötken Torğai oblystyq qazaq sezınde qabyldanyp, sezd ony daiarlaudy Älihan Bökeihan men Ahmet Baitūrsynūly bastağan bır top qazaq zialylarynan qūrylğan airyqşa büroğa tapsyrdy. XX ğasyrdyñ bas kezındegı ūlt-azattyq qozğalys tarihynyñ özektı mäselelerınıñ bırı – Alaş partiasynyñ qūryluy, onyñ tarihi negızderı, saiasi äleumettık sipaty jäne tarihta alatyn orny. Qazaq zialylary saiasi partia qūru äreketın bırınşı orys revolüsiasy jyldarynda-aq qolğa alğan bolatyn.

Tarih boiynda Partianyñ tek bır törağasy – Älihan Bökeihanov. XX ğasyrdyñ basyndağy eldegı alasapyran qiyn kezeñde halyqtyñ qamyn oilağan saiasi küş – Alaş qozğalysy bolatyn. Osy qozğalystyñ basynda – saiasi mädenietı älemdık deñgeige köterılgen, oqyğan, sauatty, käsıbi daiarlyğy zamanyna sai adamgerşılık-imandylyq qasietterı ata-babamyzdyñ san ğasyrlyq qasterlı qūndylyqtarymen susyndağan Älihan Bökeihan, Ahmet Baitūrsynūly, Mırjaqyp Dulatūly, Mūhametjan Tynyşbaiūly, Jaqyp Aqbaev, Baqytjan Qarataev siaqty düldülder tūrsa, solardyñ ızın basqan bolaşaqtyñ narqasqa ūldary – Jahanşa Dosmūhamedov, Mağjan Jūmabai, Säken Seifullin, Mūstafa Şoqai, Tūrar Rysqūlov, Smağūl Säduaqasov, Jüsıpbek Aimauytov, Mūhtar Äuezov tağy basqalar odan ärı damytty.